• product
  • بیوٹی ٹپس
  • پکوان
  • خواتین کے مخصوص مسائل
  • ستارے کیا کہتے ہیں؟
  • صحت و تندرستی
  • فیشن
  • گھریلو مسا ئل اور ان کا حل
  • متفرق
  • مردوں کے مسائل
  • ہنستے مسکراتے رہیے
  • گھریلو مسا ئل اور ان کا حل

    گھریلو ترکیبیں آزمائیں

    a

    کچرے کے ڈبے میں پرانا اخبار بچھا دیں۔ اس طرح اخبار، چھلکوں وغیرہ سے نکلنے والاپانی جذب کر لے گا اور ڈسٹ بن خشک رہے گا۔
    کیلے لاکر رکھے جائیں تو یہ بڑی جلدی کالے ہوجاتے ہیں اور پھر بچے انہیں کھانا پسند نہیں کرتے۔ انہیں گچھوں کی شکل میں نہ رکھیں کیونکہ اس طرح یہ بہت جلد پک جاتے ہیں۔ اس کے بجائے انہیں علیحدہ علیحدہ کرکے رکھیں۔
    اپنا میٹریس صاف کرنے کیلئے ایک کھانے کاچمچہ بھرکر فیبرک سوفٹنر لیکر اس میں تھوڑا سا بیکنگ سوڈا ملائیں اور پورے جراثیم بھی ختم ہوجائیں گے اور میٹریس ایک دم چمک جائے گا۔
    مچھر کے کاٹنے سے خارش آئے اور نشان بن جائے تو اس پر خشک صابن کی ٹکیارگڑلیں۔ فوری آرام آجائے گا۔
    کیک کاٹنے کے بعد رکھ دیاجائے تو اس کا وہ حصہ سخت ہوجاتا ہے جہاں سے اسے کاٹا گیا ہو۔ لہٰذا اسے نرم رکھنے کے لئے کیک کاٹنے کے بعد، جس حصے سے سلائس کاٹا گیا ہو وہاں ڈبل روٹی کاسلائس فوڈپک کی مدد سے چپکادیں۔ کیک بالکل تازہ رہے گا۔
    موبائل فون کے اسکرین پربن جانے والی خراشیں مٹانے کیلئے ان پر تھوڑا سا ٹوتھ پیسٹ لگائیں اور نرم کپڑے کی مدد سے صاف کرلیں۔
    کمپیوٹر کاکی بورڈ صاف کرنا خاصا دشوار کام ہے۔ اسے صاف کرنے کیلئے اپنا پرانا مسکارا برش استعمال کریں۔اس برش کی مدد سے کی بورڈ کی باریک جگہوں کی مٹی بھی آسانی سے صاف ہوجائے گی۔
    چہرے پر اچانک کوئی دانہ یامہاسانکل آئے تو اسے فوری ٹھیک کرنے کے لئے اسٹیل کاچمچہ گرم کرکے دانے پرلگائیں ،د انہ جلد ٹھیک ہوجائے گا۔
    کچن کاؤنٹر پر پڑے ہوئے پرانے اور گہرے داغ مٹانے کیلئے ہائیڈروجن پر آکسائیڈ میں آٹا ملا کرپیسٹ بنائیں اور داغوں پر رگڑیں، پھر گیلے کپڑے یااسفنج سے صاف کرلیں۔
    استعمال شدہ ٹی بیگزکوخشک کرکے انہیں جوتوں میں رکھ دیں۔ اس سے جوتوں کی بدبودور ہوجائے گی۔
    موسم ابرآلود ہواور ایسے میں کپڑے جلدی خشک کرنے ہوں تو گیلے کپڑوں کو واشنگ مشین کے ڈرائر میں ڈالیں اور ان کے ساتھ ایک خشک تولیہ بھی شامل کردیں۔ کپڑے بالکل سوکھے ہوئے نکلیں گے۔
    گوشت کی بسانددور کرنے کا حل: گوشت میں ا گر ہلکی سی خاص قسم کی بساند محسوس ہوتو ایک کھانے کا چمچہ آٹے کی بھوسی چھڑک دیں اور دس منٹ بعد دھولیں۔

    استری صاف کرنے کا طریقہ:
    بجلی کی استری کواگرزنگ لگ جائے تو اخباری کاغذ پر نمک لگاکر اس پر رگڑنے سے زنگ دور ہو جاتا ہے۔
    کپڑے دھونے کیلئے:
    کپڑے دھونے سے پہلے ان کے بٹن زپ وغیرہ بندکر دیں تاکہ وہ آپس میں نہ الجھیں۔ کپڑوں کو بے رنگ ہونے سے بچانے کیلئے انہیں اُلٹا کرکے دھوئیں اور سکھائیں۔ پہلی بار گہرے رنگ کے کپڑے دھوتے وقت ٹھنڈے پانی میں نمک ملا لیں اس سے کپڑوں کا رنگ پکاہوتا ہے۔ گہرے رنگ کے کپڑے جوکئی بار دھلے ہوں ان میں چمک لانے کیلئے بھی یہ عمل موزوں ہے۔
    ہیضہ:
    لیموں اورپیاز کا رس ملاکرپینے سے ہیضے میں افاقہ ہوتا ہے۔ پودینے کارس پینے سے ہیضہ ختم ہوجاتا ہے۔ جائفل کاجوشاندہ پینے اور لونگ پانی میں اُبال کرپینے سے ہیضے میں لگنے والی پیاس ختم ہوجاتی ہے پیاز کے رس میں چٹکی بھرہینگ ملاکرآدھے گھنٹے بعدپی لینے سے ہیضے میں شفاملتی ہے۔
    کلونجی سے موٹاپے کایقینی علاج:
    موٹاپا دور کرنے کیلئے نیم گرم پانی میں کلونجی کا باریک سفوف کرکے اسی کے برابر کالی مرچیں ملالیں اور اس کے ساتھ شہد اور ایک لیموں کا رس صبح نہارمنہ پئیں۔ کلونجی زائد چربی کوختم کرنے کے ساتھ ساتھ شوگر کنٹرول کرنے میں بھی مدد گار ہے۔
    بوتلوں کی صفائی:
    بوتلوں کی صفائی کیلئے بوتل میں تھوڑا ساواشنگ پاؤڈر اور ایک انڈے کاچھلکا کچل کر بوتل کے منہ میں ڈال دیں اور بوتل کو ہلائیں۔ پھر یہ سب اُلٹ کرباہر نکال دیں اور دھوکرصاف کرلیں۔
    سفید کپڑوں کی پیلا ہٹ دور کرنا:
    سفید کپڑوں کی پیلا ہٹ دور کرنے کیلئے کپڑوں کودھونے کے بعد پانی میں تھوڑا سالیموں نچوڑلیں اب اسی میں کپڑے کھنگالیں اور نچوڑ کرسکھائیں‘ جب ریشمی سفید کپڑے کھنگالیں توسفید سرکہ یانمک ملا لیں اور سائے میں خشک کریں۔

    آردر

    b

    c