• product
  • بیوٹی ٹپس
  • پکوان
  • خواتین کے مخصوص مسائل
  • ستارے کیا کہتے ہیں؟
  • صحت و تندرستی
  • فیشن
  • گھریلو مسا ئل اور ان کا حل
  • متفرق
  • مردوں کے مسائل
  • ہنستے مسکراتے رہیے
  • بیوٹی ٹپس

    موئسچرائزنگ

    a

    مائسچرائزر آپ کی بیوٹی کئیر کا لازمی حصہ ہے۔ موئسچرائزرکا کام جلد ہی جذب ہو کر اسے نمی پہنچانا اور نرم و ملائم رکھنا ہے۔ یہی وجہ ہے کہ آپ موئسچرائزر لگانا کبھی ترک نہیں کرسکتیں۔ خصوصاََ سرد اور خشک موسم میں جلد کو موئسچرائزکرنے کی ضرورت بڑھ جاتی ہے لیکن اور کوئی آپ سے یہ پوچھے کہ کیا آپ کو موئسچرائزر لگانا آتا ہے ؟ تو آپ یہی کہیں گی کہ یہ بھلا کون سا مشکل کام ہے کیو نک کسی بھی موئسچرائزنگ کریم یا لوش کو چہرے پر لگانا یا ہاتھ ، پیروں پر مل لینا بظاہر بہت آسامن ہے۔ مگر حقیقت یہ ہے کہ موئسچرائز لگانے کے کبھی کُچھ طریقے اور اُصول ہیں جن پر عمل کر نے کے نتیجے میں آپ کی جلدکی دلکشی اور ملائمیت میں نمایاں فرق آجاتا ہے۔ یہاں آپ کیلئے ایسی ہی کُچھ تجاویز پیش کی جا رہی ہیں جن پر عمل کر کے آپ اپنی جلد کو بہتر طور سے نمی پہنچا سکیں گی۔
    یکساں تہہ لگائیں :
    جب آپ چہرے کے درمیان سے موئسچرائزر لگانا شروع کرتی ہیں اور پھر اسے باہر کی جانب لے جاتی ہیں تو ایسی صورت میں بالوں کی لائن اور کانوں کے نزدیک موئسچرائزر کی زیادہ مقدار جمع ہو جاتی ہے اور یوں یہ طریقہ جلد کے مسامات بند کرنے کا سبب بنتا ہے۔ اس لئے پورے چہرے پر موئسچرائزر کی یکساں تہہ لگائیں اور اس بات کا خیال رکھیں کہ کسی جگہ اضافی کریم جمع نہ ہونے پائے۔
    ایس پ ایف کی خوبیوں والا موئسچرائزر لگانا
    زیادہ تر خواتین اس ڈبل ڈیوٹی لوش کو پوری توجہ کے ساتھ محض چہرے پر اپلائی کرتی ہیں اور بچا کھچا لوشن لاپروائی سے گردن پر لگا لیتی ہیں۔ لیکن یہ بہت بڑی غلطی ہے۔ درست طریقہ یوں ہے کہ اپنی ہتھیلی پر پانچ روپے کے سکے برابر مقدار میں لوشن لیں اور اسے یکساں طور پر چہرے پر لگائیں۔ پھر اس کی ایک چوتھائی مقدار لے کر پوری گردن پر اچھی طرح لگائیں۔ اگر سینے کا کچھ حصہ کھلا ہو تو اس پر بھی سن سکرین کی خوبیوں والا موئسچرائزر ضرور لگائیں۔ گردن بھی آپ کے چہرے کی مانند توجہ چاہتی ہے۔ یوں سمجھ لیں کہ گردن آپ کے چہرے ہی کا ایک حصہ ہے۔ اس کی ساخت بھی بالکل آپ کے چہرے کی مانند ہوتی ہے۔ لہٰذا سورج کی شعاعیں اس پر بھی اسی طرح اثر انداز ہوتی ہیں جیسے کہ چہرے پر۔سو اپنی گردن کو جھریوں سے محفوظ رکھنے کیلئے اس پرمناسب مقدار میں موئسچرائزر لگائیں اور یکساں طور سے پوری گردن پر پھیلالیں۔
    شاور کے فوری بعد موئسچرائزنگ:
    سردیوں کے موسم میں ہاتھ منہ یا شاور لینے کے بعد ذرا دیر بھی موئسچرائزر نہ لگایا جائے تو جلد فوراََ کھینچنا شروع ہو جاتی ہے۔ اس کی وجہ یہ ہے کہ سرد اور خشک ہوا جلد کی نمی ختم کر دیتی ہے۔ لہٰذا نہانے کے فوری بعد نم جلد پر موئسچرائزر لگانے سے تادیرنمی کا احساس قائم رہتا ہے اور جلد پر چکناہٹ بھی نہیں آتی۔
    جلد سے مطابقت:
    موئسچرائزر لگاتے وقت اس بات کا خیال رکھیں کہ جو لوشن آپ لگا رہی ہیں وہ آپ کی سکن ٹائپ کے مطابق ہے یا نہیں۔ہمیشہ اپنی جلد کی مناسبت سے موئسچرائزر کا انتخاب کریں اور باڈی موئسچرائزر کو چہرے پرلگانے کی غلطی نہ کریں۔ جسم پر لگانے والے موئسچرائزنگ لوشن آئل بیس ہوتے ہیں۔ اس لئے یہ آپ کے چہرے کے مسامات بند کرنے کا سبب بن سکتے ہیں۔ جس کے نتیجے میں چہرے پر ایکنی نمودار ہونا تعجب کی بات نہیں۔ چہرے کی جلد جس کے دوسرے حصوں کی جلد کے مقابلے میں زیادہ حساس اور نازک ہوتی ہے۔ یہی وجہ ہے کہ چہرے پر لگائے جانے والے موئسچرائز کا فارمولا مختلف ہوتا ہے۔ تاہم جلد والی خواتین لائٹ موئسچرائزر استعمال کرین جبکہ خشک جلد کی حامل خواتین کوہیوں لوش استعمال کرنا چاہیے۔
    موسم سرما کیلئے ٹوٹکہ:
    اگر کسی کی جلد خشک ہے۔ ہاتھ پاوں سردی سے یا کسی بی وجہ سے کالے ہو رہے ہیں ۔ سر میں خشکی خارش یا جلد کھردری ہے میک اپ کے بعد کوئی نشان رہ گیا ہے یا میک اپ ریموو کرنے کے لئے کلیزنگ کریم نہیں ہے۔ تو چائے کا ایک چمچہ بالائی اور ایک چمچہ لیموں کا رس رات کو ہاتھوں پاوں چہرے پر کریم کی طرح لگائیں اور صبح نیم گرم پانی سے دھولیں۔ ایک رات میں واضح فرق ملے گا۔ سر دھونے سے ایک گھنٹہ قبل یہ آمیزہ بالوں میں لگائیں اور کسی بھی شیمپو سے دھولیں۔ ایک ہفتے کے استعمال سے فرق نظر آئے گا۔ اس آمیزے کو ماسک مساج اور کلینزنگ کے طور پر بھی استعمال کر سکتے ہیں۔

    1 ۔ ایسی موئسچرائزنگ پروڈکٹ کا استعمال کریں جو آپ کی جلد سے مطابقت رکھتی ہو جس کو لگانے کے بعد آپ کو اپنی جلد میں نرمی محسوس ہو۔
    2 ۔نہانے کے فوراََ بعد موئسچرائزنگ کریم کا استعمال کریں کیونکہ آپ کی جلد ٹوٹ پھوٹ کا شکار ہو کریک دم خشک ہو جاتی ہے لیکن موئسچرائزنگ کا فوری استعمال آپ کے جلد خلیات کی سطح میں پانی محفوظ کرتے ہوئے اسے نرمی بخشتا ہے۔
    3 ۔ اپنے ہوتھوں جسم کے ہر اس حصے کو موئسچرائز کریں جہاں آپ کو ضرورت محسوس ہو جیسا کہ نہانے کے بعد سردموسم میں درزش سے پہلے اور ہر بار ہاتھ منہ دھونے کے بعد موئسچرائزنگ کریم ضرور لگائیں۔اگرچہ آپ اپنے ہاتھوں اور جسم کے ظاہری حصوں کو نظر انداز کردیا کرتی ہیں جبکہ یہ حصے خاص طور پر صابن اور دوسرے کیمیائی عناصر سے زیادہ متاثرہوتے ہیں۔
    4۔ اگر چہر ے کو خشک محسوس کریں تو اس پر زیادہ مقدار میں کریم نہ لگائیں بلکہ ایسی آئل بیسڈموئسچرائزنگ کریمز کا استعمال کریں جو ہائیڈریٹنگ خصوصیات کی حامل ہوں ۔ اپنے چہرے اور خاص طور پر ہاتھوں اور پیروں پر کریم ضرور لگائیں کیونکہ یہ خشک ہواوٴں سے زیادہ متاثر ہوتے ہیں ۔
    جلد کی اچھی نگہداشت کے لئے موئسچرائزنگ بنیادی عمل ہے اس کے استعمال سے جلد اور ماحولیاتی آلودگی کے درمیان رکاوٹ پیدا ہوتی ہے چونکہ پاکستانی خواتین کی جلد سالہا سال ماحولیاتی آلودگی کے نقصان دہ اثرات کا سامنا کرتی ہے لہٰذا موئسچرائزنگ کریم انہی ضرررساں اثرات سے جلد کو محفوظ رکھنے میں مدد دیتی ہے ۔ صاف وشفاف تروتازہ نرم ونازک اور جھریوں سے پاک جلد کے حصول کی کوششوں میں جدید قسم کے کاسمیٹک ٹریٹمنٹ کروانے سے بہتر ہے کہ آپ اپنی جلد کی روزانہ باقاعدگی سے موئسچرائزنگ کا خصوصی اہتمام کریں اور اپنی جلدکی ساخت سے ہم آہنگی رکھنے والی موئسچرائزنگ اور اسکن نورشمنٹ کریمز استعمال کرنے کی کوشش کریں۔ موئسچرائزنگ آپ کی جلد کو جاذب نظر بناتی ہے، موئسچرائزنگ کریم کی تہیں آپ کی جلد کی نمی کو برقرار رکھتی ہیں، اس کا استعمال خشک اور عمر رسیدہ جلد کے لئے زیادہ فائدہ مند ہے کیونکہ نمی کی کمی جلد کی سطح کو خشک کر دیتی ہے جو جلد پر زائد جھریوں کو نمودار کردیتی ہے لیکن باقاعدگی سے موئسچرائزنگ کرنے سے آپ کی جل نرم رہتی ہے اور جھریاں بننے کے عمل کو کو موٴخر کر دیتی ہے۔
    ہرفرد کو اپنی جلد کوموئسچرائزنگ رکھنے کی ضرورت ہے،حتیٰ کہ وہ خواتین بھی جن کی جلد آئلی ہوتی ہے کیونکہ موئسچرائزنگ ایک ایسا عمل ہے جو آپ کی آئلی جلد کے لئے بھی ناگزیر ہے۔ آئلی جلد کو بھی نمی کی ضرورت ہے یعنی یہ خود کار یا آٹو میٹک انداز میں ہائیڈریٹڈ ہوتی ہے۔ ہائیڈریشن کامطلب پانی سے مرطوب ہے نہ کہ آئل سے اور تمام اقسام کی جلد کے لئے ہائیڈریشن کا اضافہ انتہائی ضروری عمل ہے چونکہ ماحول کی خشکی آپ کی جلد میں موجود نمی کو بتدریج جذب کرتے کرتے اسے انتہائی خشک بنا دیتی ہے لہٰذا سب سے اہم بات یہ ہے کہ آپ ہر روز اپنی جلد کو موئسچرائز رکھیں۔ آپ کی جلد کو موئسچرائزنگ کی ضرورت ہوتی ہے پھر چاہے وہ موسم گرما کے مہینے ہی کیوں نہ ہوں۔جبکہ خواتین یہ محسوس کرتی ہیں صرف سرد و خشک موسم میں ہی ان کی جلد کو موئسچرائزنگ کی ضرورت ہوتی ہے لیکن حقیقت اس کے برعکس ہے گرمیوں کا سخت وناگوار موسم آپ کی جلد پرزیادہ نقصان دہ اثرات مرتب کر دیتا ہے ۔ لہٰذا ضروری ہے کہ آپ اپنی جلد کو سرد ، خشک ،گرم نم ہر موسم میں ماحولیاتی آلودگی سے بچائیں ۔ صرف سرد موسم کے دوران ہی نہیں آپ کی جلدکو ہر عمر اور ہرموسم میں موئسچرائزنگ کی ضرورت ہوتی ہے۔ بیوٹی ایکسپرٹس کے مطابق ”روزانہ بہترین مائسچرائزنگ پروڈکٹس کا استعمال آپ کی جلد کی خوبصورتی وشادابی کو برقرار رکھتا ہے۔ بس سردیوں میں روغنی اساس کی حامل موئسچرائزنگ پرروڈکٹس خریدئیے اور گرمیوں میں آبی اساس کے حامل پروڈکٹس کا استعمال آپ کے لئے بہت مفید ثابت ہوگا۔

    آرڈر

    b

    c