• product
  • بیوٹی ٹپس
  • پکوان
  • خواتین کے مخصوص مسائل
  • ستارے کیا کہتے ہیں؟
  • صحت و تندرستی
  • فیشن
  • گھریلو مسا ئل اور ان کا حل
  • متفرق
  • مردوں کے مسائل
  • ہنستے مسکراتے رہیے
  • بیوٹی ٹپس

    تروتازہ اور حسین نظر آئیں

    a

    آرہی ہے عید اور دل چاہتا ہے کہ اس موقع پر سب سے منفرد ‘ خوبصورت اور تروتازہ نظر آئیں۔اس خواہش کی تکمیل زیادہ مشکل نہیں ہے ‘ بس تھوڑا سا وقت نکالیں اور گھر میں موجود اشیاءسے ہی اپنے حسن میں نکھار اور اضافہ کریں۔

    چہرے کو نکھارنے کے لئے جو اور گیہوں کا آٹا دودھ میں ملا لیں۔اسے چہرے پر اُبٹن کی طرح ملیں‘پھر ایک گھنٹے کے بعد منہ دھو لیں۔نہانے کے پانی میں لیموں کا رس اور نمک ملا کر غسل کرنے سے بھی جلد کا رنگ نکھرنا شروع ہو جاتا ہے۔

    اگر گردن کا رنگ نسبتاً سیاہ ہے تو دودھ میں تھوڑا سا لیموں کا رس ملا ئیں ‘اسے روئی کی مدد سے گردن پر لگالیں۔خشک ہوجائے تو ٹھنڈے پانی سے دھو لیں۔چند روز کے استعمال سے تبدیلی محسوس ہونے لگے گی۔

    اگر چہرے پر کھر ُدرا پن آرہا ہو تو گلیسرین میں تھوڑا سالیموں کا رس ملا کر رکھ دیں ۔ہر روز صبح منہ دھونے کے بعد ہلکے ہاتھوں سے پو ُرے چہرے کی مالش کریں۔اس سے جلد نرم اور رنگ صاف ہوتا ہے۔
    چہرے پر چمک لانے کے لئے 2کھانے کے چمچے دودھ ‘ ایک کھانے کا چمچہ چینی اور ایک کھانے کا چمچہ نمک ملا کر رات سوتے وقت چہرے پر خوب اچھی طرح مالش کریں ۔صبح اُٹھ کر ٹھنڈے پانی سے چہرے کو اچھی طرح سے دھو لیں۔

    اگر چہرے پر دانوں کے نشان ہوں تو زیتون کے تیل میں کریم ملا کر چہرے پر ان جگہوں پر لگائیں جہاں دانوں کے نشانات رہ گئے ہوں۔تھوڑے ہی دنوں میں چہرہ صاف و شفاف ہوجائے گا۔

    اگر چہرے پر جھائیاں ہوگئی ہوں تو ایک چائے کا چمچہ لیموں کے رس میں ایک چائے کا چمچہ شہد ملاکر چہرے پر لگائیں اور20منٹ کے بعد چہرہ دھولیں۔ہفتے میں 2مرتبہ اس ماسک کے استعمال سے جھائیاں د ُور ہوجائیں گی۔

    اگر ایڑیاں پھٹ رہی ہوں تو ایک لیموں کا چھلکا پیس کر اس میں ایک چائے کا چمچہ گلیسرین اور ایک چائے کا چمچہ عرق گلاب ملا لیں ۔رات میں سونے سے پہلے پھٹی ہوئی ایڑیوں پر لگائیں صبح پیر دھو لیں، چند دنوں میں پھٹی ایڑیاں ٹھیک ہو جائیں گی۔

    روکھے بالوں میں چمک پیدا کرنے کے لئے سردھونے کے بعد پانی میں ایک لیموں کا رس ملا کر اس سے سر دھو لیں ۔

    ناخنوں کو چمک دار بنانے کے لئے لیموں کے چھلکے سے جس میں نمی موجود ہو‘ ناخن کی مالش کریں۔ اس سے ناخن صاف اور چمکدار ہوجاتے ہیں۔

    آنکھوں کے حلقے د ُور کرنے کے لئے حلقوں پر آلو رگڑیں یا اُن کا رس لگائیں۔روزانہ صبح ایک ماہ تک ایک عدد سیب کھائیں اور تھوڑی دیر کے بعد ایک گلاس دودھ پی لیں۔

    آرڈر

    b

    c